Sumqayıt şəhər İcra Hakimiyyətinin başçısı Zakir Fərəcov əməkdar məşqçi, “Tərəqqi” medalçısı Mirağa Qiyasovu 80 illik yubileyi münasibətilə təbrik edib. Zakir Fərəcov uzun illər Azərbaycan idmanına verdiyi töhfələrə görə Mirağa Qiyasova uğurlar arzulayıb və ona Sumqayıt şəhər İcra Hakimiyyətinin Fəxri Fərmanını təqdim edib.
Qeyd edək ki, Mirağa Qiyasov 1973-cü ildən idmanın sambo güləşi üzrə məşqçi-müəllim kimi fəaliyyət göstərir. Onun yetirmələri Respublika, Dünya və Avropa çempionatlarında böyük nailiyyətlər qazanıblar. Hazırda o, Sumqayıt şəhər sambo bölməsinin və şəhər yığma komandasının baş məşqçisidir. Qiyasovun yetişdirdiyi idmançılar sırasında dünya və Avropa çempionatlarının qalibi və mükafatçıları var.
Azərbaycan idmanının inkişafına verdiyi töhfələrə görə Mirağa Qiyasov “Tərəqqi” medalı, “Azərbaycan Respublikasının Fəxri Bədən Tərbiyəsi və idman işçisi” və “Azərbaycan Respublikasının Əməkdar Məşqçisi” fəxri adları ilə təltif edilib. Bundan əlavə, Azərbaycan Respublikası Prezidentinin “Azərbaycan Respublikası idmançılarının və idman mütəxəssislərinin təltif edilməsi haqqında” Sərəncamına əsasən, Mirağa Qiyasova ölkədə idmanın inkişafına uzunmüddətli səmərəli fəaliyyətinə görə Prezidentin fərdi təqaüdü verilib.
Müzakirə qapadılmışdır.