Müğənni Berkay Şahinlə yaşadığı münaqişədən sonra 12 il yarım müddətinə həbsi tələb edilən futbolçu Arda Turana daha bir zərbə qayınatasından gəlib.
Publika.az Türkiyə mediasına istinadən xəbər verir ki, qayınatası Sabri Doğan yaxın zamanda uşaq dünyaya gətirəcək qızı Aslıhanın pis olmaması üçün onu evinə aparıb.
İddiaya görə, qızını öz evinə aparan atası Arda Turana “Övladı dünyaya gələnə qədər qızım burada qalacaq”-deyib.
Qeyd edək ki, müğənni B.Şahinin həyat yoldaşına söz atdığına görə baş verən davada Arda Turan müğənninin burnunu sındırmışdı. Daha sonra onun silahla xəstəxanaya gəlməsi vəziyyəti daha da çətinləşdirdi. Qanunsuz silah saxlamaq və digər iddialarla birlikdə A.Turana qarşı 12.5 illik həbs cəzası tələbi irəli sürülüb.