Dövlət Statistika Komitəsi Azərbaycanda minik avtomobillərinin strukturunu açıqlayıb. “Mercedes”lərin sayı (199 016 ədəd), nəhayət, VAZ 2101, 2103 və 2106-ya çatıb. Amma “Hyundai” ötən il alınan avtomobillərin sayında lider olub.
Fins.az xəbər verir ki, 2018-ci ildə Azərbaycan yollarında “Mercedes” markalı avtomobillərin sayı 3648 ədəd artıb. “Hyundai”ın sıralarına (68.179) il ərzində 4668-i əlavə olunub.
Populyarlıq baxımından sonrakı yerlərdə “Toyota” (50,797), “Opel” (44,037), KIA (34,179), “Nissan” (33.245), BMW (26.167), “Mitsubishi” (21.554) və “Volkswagen” (21.418) gəlir. “Chevrolet” Azərbaycanda ən çox satılan avtomobillərin ilk onluğunu bağlayır – 15,972 ədəd.
