Azərbaycanın xarici siyasətdəki prioritetləri: Sülh və sabitlik

199

Prezident İlham Əliyevin 1 fevral tarixində Parlamentlərarası İttifaqın Baş katibi Martin Çunqonq ilə görüşündə səsləndirdiyi fikirlər, Azərbaycanın xarici siyasətindəki prioritetləri, regiondakı mövcud vəziyyət və gələcək hədəfləri ortalığa qoyur. Bu fikirlər, həmçinin Azərbaycanın beynəlxalq aləmdəki mövqeyini və ölkənin qarşılaşdığı çağırışları da aydın şəkildə göstərir.

Prezident Əliyevin qeyd etdiyi kimi, Minsk qrupunun 28 il ərzində münaqişənin həlli prosesində əldə etdiyi nəticələr məyusedici olub. Bu nəticə, Azərbaycanın 2020-ci ildə 44 günlük Vətən müharibəsini başlatmaq və işğal altındakı torpaqlarını azad etmək qərarına səbəb olmuşdur. Müharibə Azərbaycanın hərbi üstünlüyü ilə nəticələnmiş və münaqişənin dinamikasını dəyişmişdir.

Azərbaycan müharibədən sonra Ermənistanla sülh müqaviləsinin imzalanması üçün 5 prinsip irəli sürmüşdür. Bu prinsiplər, beynəlxalq hüququn norma və prinsiplərinə uyğun olaraq müəyyənləşdirilmişdir. Lakin, Ermənistanın bu təkliflərə adekvat reaksiya verməməsi, prosesin irəliləməsində əsas maneələrdən biri olmuşdur.

Azərbaycan Ermənistan tərəfindən separatizmin maliyyələşdirilməsinə, hərbi və digər vasitələrlə dəstəklənməsinə qarşı antiterror tədbirlərini qaçılmaz hesab etmişdir. Ötən il sentyabrın 2-də Ermənistan rəhbərliyinin qondarma “Dağlıq Qarabağ respublikası”nın “müstəqilliyi” münasibətilə göndərdiyi təbrik, həmçinin sentyabrın 9-da keçirilmiş dırnaqarası “prezident seçkiləri”sülh prosesinə ciddi zərbə vurmuşdur.

Azərbaycan ilə Ermənistan arasında de-fakto sülh şəraitinin mövcudluğu, münaqişənin həllində bir fürsət yaradır. Lakin, bu prosesin məntiqi sonluğa çatdırılması üçün sülh müqaviləsinin imzalanması və Ermənistanın Azərbaycana qarşı ərazi iddialarına son qoyulması zəruridir. Bu kontekstdə, Ermənistanın müvafiq normativ-hüquqi sənədlərində dəyişikliklər edilməsi müsbət bir addım olardı.

Prezident İlham Əliyev çıxışında Fransa və Avropa Şurası ilə bağlı da fikirlər səsləndirdi, regionda vəziyyətin gərginləşməsinə səbəb olan xarici qüvvələrin roluna diqqət çəkib.

Dövlətimizin başçısı bildirib ki, Fransa Cənubi Qafqaz regionunda aparıcı mövqeyə nail olmaq və nüfuzunu gücləndirmək siyasəti yürütdür. Ermənistanın silahlandırılması məhz sözügedən siyasətin təzahürüdür.

Vurğulanıb ki, Azərbaycan nümayəndə heyətinin etimadnaməsinin Avropa Şurası Parlament Assambleyasında ratifikasiya edilməməsi beynəlxalq riyakarlığın təzahürdür. Avropa Şurası Parlament Assambleyasının addımları dialoqa xidmət etmir.Bu cür təşəbbüslər parlament platformasının ənənələri ilə ziddiyyət təşkil edir.

Prezident İlham Əliyev qeyd edib ki, Azərbaycanın Qoşulmama Hərəkatına sədrliyi dövründə əldə etdiyi uğurlar, ölkənin beynəlxalq aləmdəki nüfuzunun artmasına və yeni əməkdaşlıq sahələrinin yaradılmasına şərait yaradıb. Bu, Azərbaycanın beynəlxalq münasibətlərdə fəal və konstruktiv rol oynadığını göstərir.

Prezident İlham Əliyevin fikirləri, Azərbaycanın münaqişə sonrası dövrü qurmaq, sülh və sabitliyi təmin etmək istiqamətindəki səylərini və beynəlxalq aləmdə qarşılaşdığı çağırışları və imkanları əks etdirir.

 Vaqif Süleymanov, Əməkdar Mədəniyyət işçisi

www.sumqayitxeber.com

Kateqoriyalar:
Etiketlər:
Şərhlər

Müzakirə qapadılmışdır.

Bənzər Xəbərlər