Bakı-Sumqayıt yolunda yol-nəqliyyat hadisəsi baş verib.
Bu gün səhər saatlarında “Hyundai” markalı avtomobillə “Mercedes” markalı avtomobil toqquşub. Hadisə şahidlərinin sözlərinə görə, toqquşmadan sonra “Mercedes” markalı avtomobil dərəyə yuvarlanıb. Hər iki maşının sürücüsü xəsarət alıb. Qəzaya səbəb yüksək sürət olduğu bildirilib.
Hadisə yerinə təcili tibbi yardım və FHN xilasediciləri cəlb olunub.
Faktla bağlı araşdırma aparılır.