Bakıda itkin düşən azyaşlı tapılıb.
Bu barədə Open.az-a itkin düşən 5 yaşlı Maralın atası Fuad Muxtarov məlumat verib.
O, qeyd edib ki, qızını naməlum şəxs Xəzər rayon Polis İdarəsinə gətirərək polisə təhvil verib: “Qızım dünən Nizami rayonu ərazisindəki bazarda yoxa çıxıb. Onu kimlər hara aparıb bilmirik. Hazırda polis tərəfindən araşdırmalar aparılır”.
***
Bakıda azyaşlı qız itkin düşüb.
Open.az xəbər verir ki, Nizami rayon Polis İdarəsinin 24-cü Polis Bölməsinə ərizə ilə müraciət edən Fuad Muxtarov “8-ci kilometr bazarı”nda 5 yaşlı qızı Maral Muxtarovanın itkin düşdüyünü bildirib.
Uşağın bazarda yük daşıyan arabaçılar tərəfindən oğurlandığını iddia edilir.
Daxil olan məlumat əsasında polis tərəfindən axtarışlara başlanıb.
