Qəza səbəbindən prospektdə böyük tıxac yaranıb
Bu gün Nobel Prospektində ölümlə nəticələnən faciəvi yol nəqliyyat hadisəsi baş verib. Avtosfer.az xəbər verir ki, qəzada iştirak edən “Hyundai Sonata” markalı 99-MH-441 qeydiyyat nişanlı avtomobilin sürücüsü yüksək sürətlə hərəkət edərkən idarəetməni itirib və qəza baş verib. Hadisə nəticəsində avtomobildə olan 3 sərnişin parça-parça olaraq yerindəcə keçinib. Digər 1 nəfərin vəziyyəti isə ağırdır. Qəza o qədər ağır olub ki, avtomobil tanınmaz hala düşüb. Faktla bağlı Xətai Rayon Polis İdarəsində cinayət işi açılıb və araşdırmalar aparılır.