DYP əməkdaşları xanım sürücünü xilas edib

402

Sumqayıt Dövlət Yol Polis əməkdaşları sükan arxasında halı pisləşən xanım sürücüyə yardım ediblər.

Hadisə sentyabrın 13-də günorta saatlarında Sumqayıt şəhəri Sülh prospektində 99-EC-786 nömrə nişanlı, “Mercedes” markalı avtomobilin sürücüsü Əliyeva Arifə Vahid qızı hərəkətdə olarkən müəmmalı şəkildə maşını saxlayıb.

Bu haqda danışan A.Əliyevanın sözlərinə görə, onu görən DYP əməkdaşları dərhal yaxınlaşıblar. Onlar avtomobilin içində hərəkətsiz bir vəziyyətdə qalan xanım sürücünün halını pisləşdiyini görüblər.

A.Əliyeva bildirir ki, Sumqayıt DYP-nin əməkdaşları ona dərhal ilkin tibbi yardım göstəriblər və bir qədər sonra özünü yaxşı hiss etməyə başlayıb.

“Mən 99-YP-163 nömrə nişanlı xidməti maşının yol polis əməkdaşları olan Muxtar Bayramova və Qurban Fətiyevə sonsuz minnətdarlığımı bildirirəm. Onların sayəsində həyata qayıtdım və bəlkə də olmasaydılar vəziyyətim ağırlaşa bilərdi. Çünki qəfil özümü pis hiss elədim, bircə ona gücüm çatdı ki, maşını yolun ortasında kənara çəkib saxlayım. Onların ilkin tibbi yardımı nəticəsində halım yaxşılaşdı. Mən Azərbaycan polisi ilə bir daha qürur duydum. Onlar təkcə bizim təhlükəsizliyimin təminatçısı, keşikçisi deyil, həm də həyatımızı xilas edən qəhrəmanlardır. Mən çox görmüşdüm ki, magistral yolda çarəsiz qalan ahıl qadını yol polisimiz keçirib, yanan binada ölümlə üzbəüz qalan vətəndaşımızı polisimiz xilas edib, avtomobili alışan sürücünü maşının içindən çıxararaq onu həyata qaytarıb və s. ilaxır. Bu dəfə özüm şahid oldum ki, polisimiz güvən yerimizdir. Mən Sumqayıt Yol Polisinə və onların fədakar, diqqətcil əməkdaşları olan Muxtar Bayramova və Qurban Fətiyevə təşəkkür edirəm”, – A.Əliyeva bildirib.

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər