Əfqanıstanın Paktika əyalətində baş verən zəlzələ nəticəsində ölənlərin sayı 1 000-i ötüb.
AzVision.az Rusiya mətbuatına istinadən xəbər verir ki, bu barədə əyalətin mədəniyyət və informasiya idarəsinin rəisi Amin Huzayfa bildirib.
Onun sözlərinə görə, yaralıların sayı 1 500 nəfərə yüksəlib, bir çox kəndlər məhv olub.
***
Əfqanıstanın şərqində baş verən zəlzələ nəticəsində ən azı 920 nəfər ölüb, 620-yə yaxın insan yaralanıb.
Bu barədə çərşənbə günü İslam Əmirliyinin təbii fəlakətlərin aradan qaldırılması üzrə müvəqqəti hökuməti nazirinin müavini Tolo News telekanalının bəyanatında bildirib.
Daha əvvəl 300-ə yaxın ölü, 600-ə yaxın yaralı olduğu bildirilirdi.
***
Əfqanıstanın şərqində yerləşən Paktika və Xost əyalətlərində baş verən zəlzələ nəticəsində qurbanlarının sayı 280-i ötüb, azı 250 nəfər xəsarət alıb.
AzVision.az xəbər verir ki, bu barədə Əfqanıstanın Pajvok agentliyi yerli hakimiyyət orqanlarına istinadən məlumat yayıb.
***
Əfqanıstanın şərqində yerləşən Paktika əyalətində 5,8 bal gücündə zəlzələ olub.
Yeraltı təkanlar nəticəsində azı 255 nəfər ölüb, 150 nəfər xəsarət alıb. Qeyd edək ki, daha öncə ABŞ-ın “The Washington Post” qəzeti zəlzələdə 155 nəfərin öldüyünü yazıb.