Azərbaycanın peşəkar boks tarixində ilk dəfə olaraq WBF (Worrld Boxing Federation) və WBCA versiyalarında dünya çempionu olan həmyerlimiz Fariz Məmmədov erməni əsilli rusiyalı boksçu, orta çəki dərəcəsində WBA versiyası üzrə dünya çempionu David Avanesyan rinqdə qarşılaşa bilərlər.
Maraqlı olacağı əvvəlcədən bəlli olan bu döyüş təklifi RCC Boxing Promotions təşviqat şirkətinin icraçı direktoru Aleksey Titov tərəfindən verilib.
qaziler.az bildirir ki, üst-üstə 10 il peşəkar boksdan uzaq düşən, 3 il əvvəl WBCA və WBF versiyaları üzrə çempion olan F.Məmmədov elə o vaxtdan peşəkar boksla vidalaşıb. Amma buna baxmayaraq, o, A.Titovun təklifinə bir şərtlə razılıq verib: “Döyüş İrəvanda olsun!”. F.Məmmədov A.Titova bildirib ki, görüşün İrəvanda keçirilməsi üçün Ermənistan dövlətinin razılığını alsınlar.
Daxil olan məlumatlara görə, dünya çempionumuz rəqibi öz ölkəsində enmək istəyir. Ona görə də döyüşün qədim Azərbaycan torpağı olan İrəvanda – Ermənistanın paytaxtın keçirilməsini şərt kimi irəli sürüb.
Ən səs-küylü boks yarışlarının təşkilatçısı, RCC Boxing Promotions təşviqat şirkətinin icraçı direktoru Aleksey Titov sözügedən döyüşlə bağlı bildirib ki, həqiqətən belə bir təkliflə hər iki boksçuya müraciət edib:
“Ümid edirik ki, bu iki peşəkar boksçu rinqdə üz-üzə gələcək. Bu döyüş alınarsa idman ictimaiyyəti çox maraqlı yarış izləmək şansı əldə edəcək”.
BAKU.WS