Ermənistanın sabiq prezidenti Robert Köçəryan haqqında həbs qərarı çıxarılıb.
“Qafqazinfo” “RİA Novosti”yə istinadən xəbər verir ki, bu barədə Ermənistan Apellyasiya Məhkəməsi qərar verib.
Köçəryanın vəkili Hayk Ayunyan bildirib ki, məhkəmə birinci instansiya məhkəməsinin hökmünü dəyişməyib.
Qeyd edək ki, 2008-ci il 1 mart qırğınlarında və konstitusion nizamı devirməkdə ittiham edilən Köçəryan bu ilin iyununda həbs edilmişdi. Lakin, kassasiya şikayəti verən eks-prezident azadlığa çıxmışdı.