Mühüm xəbər: Azərbaycanda karantin sərtləşdirilə bilər – AÇIQLAMA

557

Azərbaycanda ölkə xaricindən gələn şəxslərdən götürülmüş nümunələrdən 12-də SARS-CoV-2 21K Omicron variantı aşkarlanıb.

Musavat.com xəbər verir ki, bu barədə Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə yaydıqları məlumatda qeyd olunur.

“Omikron” ştamına yoluxanların olması ölkədə karantin tədbirlərinin yenidən sərtləşdirilə biləcəyini gündəmə gətirib. Məsələ ilə bağlı BAKU.WS-ə açıqlama verən həkim, tibb elmləri doktoru Adil Qeybulla bildirib ki, vəziyyət pisləşərsə karantin yenidən sərtləşdirilə bilər:

“Azərbaycanda “Omikron” ştamına yoluxanların sayı ilə bağlı reallığı birmənalı demək çətindir. Qonşu ölkələrdə xəstə sayı bu qədər çoxdursa, Azərbaycanda da olması tam real və məntiqlidir.

Hazırki dönəmdə biz karantin tədbirlərini gözləməliyik, vaksinasiyanı intensivləşdirməliyik, mümkün qədər təmasları azaltmalıyıq ki, yoluxma sayı az olsun.

Fikrimcə, hazırda xüsusi sərtləşdirməyə ehtiyac yoxdur. Təbii ki, “Omikron” ştamı sayəsində həddən artıq xəstə sayı artarsa, xəstəxanalara yerləşdirilənlərin sayı çoxalarsa, epidemioloji vəziyyət pisləşərsə, vacib qərar verilə və karantin sərtləşdirilə bilər”.

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər