Oktyabrın 17-də İstanbulun Beykoz rayonunda tanınmış iş adamı Mustafa Erkin Karamana qarşı edilən silahlı hücumun videogörüntüsü yayılıb.

Milli.Az Sputnik Azərbaycan-a istinadən bildirir ki, hadisə axşam 20.00 radələrində baş verib.

İş admı iki adamın hücumuna məruz qalıb. Naməlum şəxslər onun avtomobilinə 5 dəfə atəş açıblar. İş adamı iki güllə yarası ilə xəstəxanaya çatdırılıb.
Hadisədən sonra polis araşdırmaya başlayıb. İş adamının vurulmasında şübhəli bilinən iki nəfər saxlanılıb. Onlardan bir tapança və iki ov tüfəngi götürülüb.

Qeyd edək ki, iş adamı 2012-ci ildə Azərbaycanın keçmiş baş nazirinin müşaviri Musa Məmmədovun qızı Günel Məmmədova ilə ailə həyatı qurub.

Milli.Az