Nərmin Quliyevanın qətlində şübhəli bilinən şəxsin ifadəsi alınıb.
Lent.az -ın əldə etdiyi məlumata görə, şübhəli şəxs qismində saxlanılan İlkin Süleymanov polislər tərəfindən hadisə törədilən yerə aparılıb. Müstəntiqlər onunla bağlı istintaq hərəkəti keçiriblər.
Hazırda faktla bağlı istintaq davam edir.
Qeyd edək ki, İ.Süleymanovun psixoloji problemlərinin olması barədə xəbərlər yayılıb. Ancaq bu məsələ rəsmi təsdiqini tapmayıb. İstintaq prosesi zamanı başqa bir neçə nəfərin də ifadə verdiyi bildirilir. Hazırda Tovuzun Dondar Quşçu kəndinin girişi hüquq-mühafizə orqanlarının nəzarətindədir.
Onu da qeyd edək ki, İlkin Süleymanovun saxlanılması ilə bağlı ilk xəbəri news.24.az saytı yayıb. Lent.az İ.Süleymanovun fotosunu təqdim edir:
