Qaraciyərin yenilənməsində sağlam qidalanma böyük əhəmiyyət daşıyır.
Publika.az xəbər verir ki, türkiyəli dietloq Nilay Keçəçi 28 İyul Dünya Hepatit Günü ərəfəsində qaraciyəri yeniləyən və sağlamlığını qoruyan qidaların adlarını açıqlayıb.
Çiy sarımsaq toksinləri xaric edir
Ən yaxşı antioksidant mənbəyi sarımsaq bitkisidir. Sarımsaq qaraciyərin yenilənməsində olduqca əhəmiyyətli rol oynayır. O qaraciyər maddələrini hərəkətə keçirərək toksinlərin bədəndən xaric olunmasını təmin edir. Antioksidant, allisin, vitaminlər və sulfidlə zəngin olan bu bitki qaraciyərin funksiyasını yaxşılaşdıran maddələrin istehsal edilməsinə dəstək olur. Unutmayın ki, çiy sarımsaq bədənə daha güclü təsir göstərir.
Avokado
Avokadonun tərkibindəki Omeqa 6 yağları orqanizm üçün ən faydalı yağlardır. Bu yağ qaraciyər yenilənməsini təmin edir. Avokado adətən salatlarda və ya üzərinə limon sıxılaraq yeyilir. Gündə birdən çox avokado yeyilməsi məsləhət deyil. Bədəni sağlam yağ turşuları ilə təmin edən, eyni zamanda da toplanan zərərli yağ turşularını yox edən avokado qaraciyər yağlanmasının qarşısını almaq üçün olduqca effektlidir.
Üzüm çəyirdəyi qaraciyər üçün faydalıdır
Üzüm qaraciyər üçün əvəzolunmaz və təbii məhsuldur. Üzümün həm özü, həm də çəyirdəyi qaraciyər sağlamlığı üçün eyni dərədəcə faydalıdır. Aparılan bir çox araşdırma göstərib ki, üzüm çəyirdəyi qaraciyər xəstəliklərinin müalicəsində müsbət təsirə malikdir. Qaraciyərin başlıca funksiyası bədəni toksinlərdən təmizləmək olsa da, qaraciyərin özünü də təmizləməsi üçün üzümün menyuya daxil olması vacibdir.
Zəncirotu yarpaqları
Vitamin baxımından zəngin olan bu bitkinin tərkibi natrium, kalium, kalsium kimi elementlərdən ibarətdir və qaraciyər üzərində təsiri böyükdür. Qaraciyərdə meydana gələn problemləri aradan qaldırır və həzmi də rahatlaşdırır.
Brüssel kələmi qaraciyəri təmizləyir
Brüssel kələmi qara ciyəri yeniləyir və zərərli toksinlərin atılmasına yardım edir. Hidrogen-sulfid tərkibli birləşmələr qaraciyəri sərbəst radikalların təsirindən qoruyur, həddindən artıq hormon və toksinlərin atılması funksiyalarını dəstəkləyirlər.
Qaraciyər sağlamlığınız üçün bunlara diqqət edin!
Qaraciyərin sağlam olması üçün həddən artıq yağlı ət yeməkləri, spirtli içkilər, kolbasa, sosiska və basdırma kimi ət qəlyanaltıları, yağda qızardılmış qidalar, ət suyu, kakaolu ərzaqların və yağlı sousların qara ciyəri yorduğunu unutmayın.
Qaraciyər sağlamlığı üçün gündə mütləq 2 litrə yaxın su içmək lazımdır. İçdiyiniz suyun içərisinə az miqdarda sarıkök əlavə edin. Gündəlik 30 dəqiqəlik yürüşlər də qaraciyər yağlanmasının qarşısı alır.
Aytən