2008-ci ildə müəmmalı şəkildə ölən, meyiti yol kənarından tapılan “Dom-2” layihəsinin 31 yaşlı iştirakçısı Oksana Aplekaeva ilə bağlı yeni məlumatlar yayılıb.

BakuPost Rusiya mətbuatına istinadən xəbər verir ki, onun bu ölümündən sonra bir çox şayiələr yayılmışdı. Bildirilirdi ki, manyak biri ona hücum edib. Digər versiyalarda isə daha əvvəllər də internet üzərindən təhdidlər alan Oksananın “banda” tərəfindən hücuma məruz qaldığı deyilirdi.

Lakin bir müddət əvvəl Aplekaevanın ölümündən sonra təcavüzə uğradığı məlum olub. Götürülən DNT nümunələri təcavüzün 37 yaşlı morq işçisi Aleksandr tərəfindən törədildiyini üzə çıxarıb. Qeyd olunur ki, Aleksandr həmin vaxt morqda növbətçi imiş.

KİV-lərin yaydığı informasiyaya görə, Oksananın meyitinə təcavüz edilməsi faktı bir neçə ay əvvəl ortaya çıxıb. İstintaqçılar köhnə işi yenidən qaldırıb və ekspertiza təyin edib. Bununla da həqiqətlər ortaya çıxıb.

Aleksandr əvvəlcə hüquq-mühafizə orqanları tərəfindən saxlanılıb, daha sonra isə sərbəst buraxılıb.