Filologiya fakültəsinin Dil və ədəbiyyat kafedrasının dosenti İlahə Vəliyevanın təşkilatçılığı ilə Milli mətbuatın yaranmasının 150 illiyinə həsr olunmuş “Milli Mətbuat – 150 il: dünəni və bu günü” adlı tədbir-tamaşa keçirilib.
Tədbirdə “Əkinçi” qəzetinin banisi Həsən bəy Zərdabinin obrazını tələbə Murad Hümbətov canlandırıb. O, 1975–1977-ci illər ərzində Zərdabi və onun silahdaşlarının marifçilik, elm və təhsil yolundakı əməllərinin boşa getmədiyini əks etdirən monoloqla çıxış edib. Onun çıxışı iştirakçılar tərəfindən xüsusi maraqla qarşılanıb.
Tədbirin əsas fərqləndirici cəhətlərindən biri isə ideyaya əsaslanan səhnəciklər olub. Səhnələrdə “Əkinçi” qəzetinin simvolik olaraq hələ də fəaliyyət göstərməsi və bu mətbuat orqanının ideyalarının bu gün də yaşaması vurğulanıb.
Filologiya fakültəsinin dekanı dosent Günel Paşayeva tədbirdə çıxış edərək bildirib ki, milli mətbuatın əsası maarifçilik ideyaları üzərində qurulub. Həsən bəy Zərdabinin yaratdığı ‘Əkinçi’ qəzeti xalqın oyanışına və tərəqqisinə çağırış idi. Bu gün həmin dəyərlərin yenidən xatırlanması, gənc nəsil tərəfindən səhnələşdirilməsi və yaşadılması, təkcə keçmişə ehtiram deyil, həm də gələcəyin maarifçi ruhla formalaşmasına mühüm töhfədir. Günel Paşayeva əlavə edib ki, bu cür tədbirlər tələbələrə yalnız nəzəri bilik deyil, həm də milli düşüncə və ictimai məsuliyyət aşılayır.
Müzakirə qapadılmışdır.