Sumqayıtda 3 nəfərin avtomobilini qaçırmaqda şübhəli bilinən şəxs saxlanılıb.
DİN xəbər verir ki, Sumqayıt şəhərində Ə.Rəhimovun “TOFAŞ”, E.Soltanovun “VAZ-2106” və A.Mustafayevin “VAZ-2107” markalı avtomobillərini qaçırmaqda şübhəli bilinən şəxs saxlanılıb.
Araşdırmalarla onun Bakı şəhər sakini, əvvəllər məhkum olunmuş Füzuli Soltanov olduğu müəyyən edilib. Şəxsi axtarış zamanı ondan metamfetamin, 1 ədəd gözyaşardıcı balon və 1ədəd bıçaq aşkar edilərək götürülüb. Araşdırma aparılır.