Bakı şəhərində Şağan Olimpiya-İdman Kompleksində “Pankration, grappling və MMA üzrə Bakı şəhər açıq çempionatı” keçirilib.
Yarışda paytaxt və bölgə təmsilçiləri ilə yanaşı, Sumqayıt şəhərini təmsil edən Rövşən Veysəlov döyüş klubunun 7 idmançısı da mübarizə aparıb.
Nəticədə şəhərimizi təmsil edən idmançılar Fərid Sarıyev və Əfsan Vəliyev 1-ci, Murad Əliyev, Niyaz Sarıyev və Rəşad Əliyev 2-ci, Xaliq Əlizadə və Elnur Əliyev isə 3-cü yeri tutublar.
