“Bu günə qədər Sumqayıt Kimya Sənaye Parkında 22 sahibkara rezident statusu verilib. Hazırda 14 rezident istər daxili, istərsə də xarici bazarlar üçün məhsul istehsal edir”.
Oxu.Az-ın məlumatına görə, bunu jurnalistlərə açıqlamasında “Sumqayıt Kimya Sənaye Parkı” MMC-nin direktoru Nazim Talıbov deyib.
O bildirib ki, sənaye parkının ümumi investisiya portfeli 3,1 milyard dollar həcmində qiymətləndirilir.
“Sənaye parkına real kapital qoyuluşu 2,8 milyard dollardır. Hazırda burada beş mindən artıq insan işlə təmin olunub”.