9 may tarixində start götürmüş və 27 may tarixində final mərhələsi olan Ümummilli Lider Heydər Əliyevin anadan olmasının 102-ci ildönümünə həsr olunmuş idarə, müəssisə və təşkilatlar arasında mini-futbol üzrə Sumqayıt şəhər kubokuna uğurla yekun vurulub.

Turnir Sumqayıt şəhər İcra Hakimiyyətinin dəstəyi, Abşeron-Xızı Regional Gənclər və İdman İdarəsi, Sumqayıt şəhər Bələdiyyəsi, Şimal Regional Futbol Federasiyası və Sumqayıt Futbol Klubunun birgə təşkilatçılığı ilə “KapitalBank Arena”da baş tutub.

Gərgin və rəqabətli oyunlar nəticəsində qalib komandalar aşağıdakı kimi müəyyən olundu:

1-ci yer – Sumqayıt Futbol Klubunun əməkdaşları;

2-ci yer – Abşeron-Xızı Regional Təhsil İdarəsinin əməkdaşları;

3-cü yer – “Azərişıq” ASC-nin Sumqayıt filialı əməkdaşları.

Qaliblər xüsusi mükafatlarla, eyni zamanda hakimlər, həm də digər iştirakçılar fəxri fərmanlarla təltif olunublar.