Sumqayıt şəhərində oğurluq edən şəxslərin tutulması üçün əməliyyat keçirilib.
Teleqraf.com xəbər verir ki, Sumqayıt şəhər Polis İdarəsinin 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində şəhər ərazisində vətəndaşlara məxsus 5 avtomobildən pul, akkumulyator və sənəd oğurlamaqda şübhəli bilinən şəhər sakini, əvvəllər məhkum olunmuş A.Feyziyev saxlanılıb.
Bundan başqa,oğurluq etdiyinə görə tutulmuş A.Feyziyevin ətrafında Sumqayıt şəhər Polis İdarəsinin 4-cü polis bölməsində araşdırma aparılıb.
Polis əməkdaşları tərəfindən aparılmış əməliyyat tədbirləri ilə onun şəhər ərazisində daha 6 avtomobildən pul, sənəd və məişət əşyaları oğurlaması müəyyən edilib.