Bu barədə Sumqayıt şəhər Polis İdarəsindən bildirilib.
Hadisə şəhərin 1-ci mikrorayon, Səməd Vurğun küçəsində qeydə alınıb. Sumqayıt şəhər sakini, 1984-cü il təvəllüdlü Elşən Qarayev idarə etdiyi “Mercedes” markalı maşınla piyada keçidindən keçən iki nəfəri vurub. Nəticədə şəxsiyyəti hələlik məlum olmayan 40-50 yaşlı qadın hadisə yerindəcə dünyasını dəyişib. Daha bir nəfər, 49 yaşlı Elşad Aslanov isə ağır vəziyyətdə xəstəxanaya yerləşdirilib.
Faktla bağlı cinayət işi başlanıb, araşdırma aparılır.APA