Sumqayıtda dəm qazından zəhərlənən uşaqların ikisi evə buraxılıb.
Bu barədə TƏBİB-dən məlumat verilib.
Bildirilir ki, Sumqayıt Tibb Mərkəzinin Uşaq Xəstəxanasında müalicəsi davam etdirilən 2 nəfər ambulator müalicə üçün evə buraxılıb:
“Respublika Pediatriya Mərkəzinin nəzdindəki Ə.F.Qarayev adına Uşaq Klinik Xəstəxanasında müalicəsi davam etdirilən və meninqoensofalit diaqnozu təyin edilən 1 nəfərin vəziyyəti isə ağır stabil olaraq qalır”.
Qeyd edək ki, aprelin 1-də Sumqayıt şəhəri, H.Z.Tağıyev qəsəbəsi 70 ünvanında yaşayan ailənin altı üzvü dəm qazından zəhərlənib. Dəm qazından zəhərlənən altı uşaqdan biri aprelin 4-də xəstəxanada ölüb.
Müzakirə qapadılmışdır.