Sumqayıtda 41 yaşlı kişinin qətlə yetirilməsi ilə bağlı cinayət işi açılıb.
APA-nın yerli bürosunun məlumatına görə, iyunun 5-də 1978-ci il təvəllüdlü Babayev Tahir Gülmurad oğlunun bıçaqlanaraq qətlə yetirilməsi ilə bağlı Sumqayıt şəhər Prokurorluğunda Cinayət Məcəlləsinin 120.1-ci maddəsi ilə cinayət işi açılıb, istintaq gedir.
Aparılan əməliyyat tədbirləri nəticəsində qətli törətməkdə şübhəli bilinən şəxslər saxlanılaraq istintaqa cəlb edilib.
Qeyd edək ki, hadisə Sumqayıtın 11-ci mikrorayonunda yerləşən kafelərin birində baş verib. Tahir Babayev mübahisə etdiyi şəxs tərəfindən qətlə yetirilib. Bədəninin müxtəlif nahiyələrindən 18 bıçaq zərbəsi alaraq T.Babayev hadisə yerində ölüb.