Sumqayıt Dövlət Yol Polisi Şöbəsi elektron protokollar üzrə təyin olunan cərimələri vaxtında ödəməyən sürücülərin müəyyən edilməsi məqsədilə profilaktik tədbirlər görülür.
Şəhər Polis İdarəsindən AZƏRTAC-a bildirilib ki, bu məqsədlə yol polisi əməkdaşları tərəfindən reyd keçirilib. Reyd zamanı saxlanılan sürücülərin ödənilməyən cərimələrinin olub-olmaması xüsusi bort kompüterlər vasitəsilə yoxlanılıb.
Tərtib olunmuş inzibati protokol üzrə təyin edilən cəriməni 2 ay müddətində ödəməyən sürücülərin nəqliyyat vasitəsinin mühafizə olunan müvəqqəti duracağa yerləşdirilməsi barədə qərar qəbul edilib.
