Sumqayıt şəhərində şəhidlərimiz – əsgər Quliyev Natiq Ramiz oğlunun, Məhərrəmov Orxan Binət oğlunun,Rəhimli Murad İlqar oğlunun, Təhməzov Rövşən Zahid oğlunun, Mədətov Zaur Kamal oğlunun, baş leytenant Məmmədzadə İlkin Əzizağa oğlunun il mərasimləri keçirilib.
Mərasimdə Sumqayıt şəhər İcra Hakimiyyətinin başçısı Zakir Fərəcov, Millət vəkili Emin Hacıyev, Sumqayıt şəhər Cümə Məscidinin Axundu Hacı Rauf Sərdərov, hüquq mühafizə orqanlarının rəhbərləri, şəhid ailələri, qazilər və şəhər ictimaiyyətinin nümayəndələri iştirak ediblər.
Şəhidlərimizin keçdiyi döyüş yollarından danışılıb, göstərdikləri şücaət və qəhrəmanlıqlardan söz açılıb. Ruhlarına dualar oxunub.
