Sumqayıt şəhər İcra Hakimiyyətinin başçısı Zakir Fərəcovun tapşırığı ilə Vətən müharibəsində şəhid olmuş qəhrəmanlarımızın ailələri və müharibədə yaralanmış qazilərlə bağlı işçi qrup fəaliyyət göstərir.
Sumqayıt Bələdiyyəsi də Vətən Müharibəsinin qazilərini diqqət mərkəzində saxlayır, bələdiyyə sədri və əməkdaşları onları ziyarət edərək qayğıları, səhhəti, müalicələrinin gedişi ilə maraqlanırlar, qazi ailələrinə ərzaq və maddi yardımlar çatdırılır.

Görüşlərdə dövlətimizin şəhid ailələrinə və vətən uğrunda sağlamlığını itirmiş şəxslərə göstərdiyi diqqət və qayğıya görə minnətdarlıqlarını ifadə edən qazilərimiz qələbəyə xalqımızın birliyinin və həmrəyliyinin sayəsində nail olduğumuzu diqqətə çatdırırlar.