Erməni, gürcü, fars mətbəxi, demək olar ki, başdan ayağa Azərbaycan yeməkləridir. Milli mətbəximiz hazırda bütün xalqların mətbəxinə təsir edə bilib.
Milli.Az oxu.az-a istinadən xəbər verir ki, bunu Azərbaycanın Milli Kulinariya Mərkəzinin direktoru Tahir Əmiraslanov Baku TV-yə müsahibəsində deyib.
Milli mətbəxin hazırkı vəziyyətindən danışan baş kulinar bildirib ki, Azərbaycanda aşpazlıq sənəti üçün kadr hazırlığı yoxdur.
Tahir Əmiraslanov qeyd edib ki, orqanizmə normal dərəcədə yağlı yeməklər də lazımdır. O əlavə edib ki, xolesterin olmayanda orqanizm zəifləyir, bədəndə testosteron olmur, qadın və kişilər arasında cinsi istək azalır.
