Yeni Azərbaycan Partiyası (YAP) Sumqayıt şəhər təşkilatının Qadınlar şurasının Ulu Öndər Heydər Əliyevin anadan olmasının 95 – ci ildönümü ilə bağlı “Heydər Əliyev nadir siyasi xadim, milli rəhbər, dahi şəxsiyyətdir” mövzusunda konfransı keçirilib.
Sumqayıt şəhər Heydər Əliyev Mərkəzində keçirilən konfransı YAP şəhər təşkilatının Qadınlar şurasının sədri Nazilə Cəlilova açaraq mövzuətrafında konfrans iştirakçılarına geniş məruzə etmişdir.
Konfransda YAP Sumqayıt şəhər təşkilatının Qadınlar şurasının sədr müavini Səidə Səfərova “Heydər Əliyev və qadın siyasəti”, Heydər Əliyev mərkəzinin direktoru Aygün Zülfüqarlı “Heydər Əliyev və Sumqayıt”, İstedad Liseyinin Qadınlar şurasının sədri Tinatin Zərbəliyeva “Heydər Əliyev və təhsil”, 3 saylı poliklinikanın baş həkimi Zenfira Saniyeva “Heydər Əliyev və səhiyyə”, YAP Sumqayıt şəhər təşkilatının Gənclər birliyinin üzvu Arzu Bəndəliyeva “Heydər Əliyev və Gənclik” mövzusunda çıxış etmişdir.
Konfransın sonunda Ulu öndər Heydər Əliyevə həsr olunmuş film izlənilib.
