Zakir Fərəcov müəllimləri təbrik etdi – FOTOLAR

2799

5 oktyabr-Beynəlxalq Müəllimlər Günü ilə əlaqədar Sumqayıt şəhər Heydər Əliyev Mərkəzində tədbir keçirilib.

Tədbirdə Sumqayıt şəhər İcra Hakimiyyətinin başçısı Zakir Fərəcov, Sumqayıt Şəhər Təhsil Şöbəsinin müdiri Arzu Alızadə və təhsil ictimaiyyətinin nümayəndələri iştirak edib.

Tədbir iştirakçıları Vətən müharibəsində Azərbaycan xalqının böyük Qələbəsinə həsr olunmuş sərgiyə baxış keçiriblər. Tədbirdə Dövlət Himni səsləndirilib, şəhidlərin əziz xatirəsi bir dəqiqəlik sükutla yad edilib.

Sumqayıt şəhər İcra Hakimiyyətinin başçısı Zakir Fərəcov əlamətdar gün münasibəti ilə təhsil işçilərini təbrik edərək, onlara xoş arzularını çatdırıb, onlara çətin və eyni zamanda şərəfli işlərində uğurlar arzulayıb.

Şəhər rəhbəri bildirib ki, ölkəmizdə təhsilin maddi-texniki bazasının möhkəmləndirilməsi istiqamətində mühüm işlər görülür, yeni məktəb binaları, əlavə tədris korpusları inşa edilir, mövcud məktəblərdə əsaslı təmir işləri aparılır. Sumqayıt şəhərində təhsil infrastrukturunun yaradılması istiqamətində də mühüm işlər görülüb. Yeni təhsil müəssisələri tikilərək istifadəyə verilib. Eyni zamanda mövcud təhsil müəssisələrində əsaslı təmir işləri aparılıb. Bütün bunlar gənclərin yüksək səviyyədə təhsil almalarına və müstəqil ölkəmizin layiqli vətəndaşları olmalarına lazımi şərait yaradır.

Qeyd edilib ki, 2020-2021-ci tədris ilində Sumqayıt şəhəri ümumtəhsil məktəblərinin XI siniflərini 2920 nəfər məzun başa vurub. Qəbul imtahanlarında iştirak edən 2475 məzundan 1794 nəfəri, yəni abituriyentlərin 72%-i ali məktəblərə qəbul olunub.Onlardan 150 nəfəri 600-dən çox bal toplamışdır ki, bu da ötən illə müqayisədə 31 nəfər çoxdur. O cümlədən, 650-dən çox bal toplayanların sayı 40 nəfər olmuşdur.

Vurğulanıb ki, ötən illə müqayisədə bu il ümumi təhsili xüsusi nailiyyətlərlə başa vuraraq nişanla təltif olunan məzunlarımızın sayı da xeyli artıb. Belə ki, builki məzunlarımızın 22 nəfəri nişanla təltif olunub, onlardan 17 nəfəri qızıl, 5 nəfəri isə gümüş nişana layiq görülüb.

Çıxış edən təhsil işçiləri Sumqayıt müəllimləri adından Azərbaycan təhsilinə göstərilən yüksək diqqət və qayğıya görə dövlət başçısına minnətdarlıqlarını bildiriblər..

Sonda təhsilin inkişafındakı xidmətlərinə görə bir qrup müəllimə fəxri fərman və hədiyyələr təqdim olunub.

www.sumqayitxeber.com

Kateqoriyalar:
Etiketlər:
Şərhlər
  • Süleymanov Niyaz Mustafa oğlu
    Oktyabr 6, 2021 - 18:38

    Sumqayıt Şəhər İcra Hakimiyyətinin başçısı Zakir Fərəc oğlu Fərəcova
    Hörmətli Zakir müəllim! Sumqayıt şəhərinin təhsil işçilərinə verdiyiniz dəyərə və diqqətə görə Sizə dərin minnətdarlığımı və təşəkkürümü bildirirəm. ZƏFƏR GÜNÜ ərəfəsində müəllim əməyini layiqincə qiymətləndirdiyinizə və hər zaman bizimlə birgə olmağınız hər kəsdə xüsusi fərəh oyadır. Azərbaycan Respublikasının Prezidenti, Müzəffər Ordunun Ali Baş Komandanı İlham Əliyev 44 günlük Qələbə günündə hər zaman qeyd etmişdir ki, 2003-cü ildə 10 yaşı olan gənclərimizin bu Qələbənin əldə edilməsində xüsusi əməyi və qəhrəmanlığı olmuşdur. Belə qorxmaz və cəsur əsgər və zabitlərin vətənpərvərlik ruhunda böyümələrində Azərbaycan müəllimlərinin müstəsna rolu və əzmkarlıqları danılmazdır. 20 nəfər məktəb rəhbərlərinin və 671 nəfər müəllimin də qatıldığı bu Qələbə müharibəsində, onlar Vətən oğulları ilə çiyin-çiyinə döyüşmüş və erməni faşistlərini doğma Qarabağımızdan iti qovan kimi qovmuşlar. Bax, bizim təhsil işçilərimiz buna görə də, hər cür diqqət və qayğıya layiqdir. Bu diqqət və qayğıya görə cənab başçı, Sizə minnətdarıq! Sumqayıt müəllimləri də hər zaman dövlətimizə və dövlətçiliyə sadiq olmuş və həmişə də öz məsuliyyətlərini, Vətənimiz Azərbaycan qarşısında səy və bacarıqlarını əsirgəməyəcəklər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər