Zakir Fərəcov “partnyorluq” medalına layiq görülüb

12708

Almaniyanın Ludviqshafen şəhərinin Partnyorluq Komitəsi  10 mart 2021-ci ildə özünün qeyri-ictimai iclasında bu il təqdim ediləcək Partnyorluq medallarının müzakirəsini aparıb. Hər iki ildən bir Şəhər Şurası ilə birgə bu medalların kimlərə təqdim olunacağı müəyyənləşdirilir.

Sumqayıt şəhər İcra Hakimiyyətinin başçısı Zakir Fərəcov partnyorluq medalının ən yüksək dərəcəsi olan Qızıl medala layiq görülüb. Bu barədə Almaniyanın Ludviqshafen şəhərinin meri Yutta Ştaynruk Sumqayıt şəhər İcra Hakimiyyətinin başçısı Zakir Fərəcova ünvanladığı məktubda qeyd olunub.

Məktubda qeyd olunub: “Böyük fərəh hissi ilə Sizinlə paylaşmaq istərdim ki, Siz də bu il mükafatlandırılacaq şəxslər sırasında öndəsiniz. Siz partnyorluq medalının ən yüksək dərəcəsi olan Qızıl medala layiq görülmüsünüz.

Əziz cənab Fərəcov mən Sizə müvafiq zamanda Ludviqshafen Sumqayıt və ya Sumqayıt Ludviqshafen şəhərləri arasındakı partnyorluq əlaqələrində əvəzsiz xidmətinizə görə təltif olunduğunuz Partnyorluq medalını təqdim edəcəyəm. Pandemiya səbəbi ilə təqdimat tədbirini başqa zamana keçirmişik. Mən Sizə can saglığı, ruh yüksəkliyi, gözəl əhval-ruhiyyə, Sumqayıtdakı işlərinizdə uğur  və partnyorluğumuza müvəffəqiyyət arzu edirəm. Mən bu gün bir daha Sizə şəhərlərimiz arasında əməkdaşlıqdakı xidmətlərinizə görə TƏŞƏKKÜR edirəm”.

Qeyd edək ki, Sumqayıtın Lüdviqshafenlə 1977-ci ildə yaranan dostluq münasibətləri bu gün də uğurla davam edir.  İki şəhər arasında  dostluğun 30, tərəfdaşlıq əlaqələrinin yaradılmasının isə 40 iliyi  münasibəti ilə 2017-ci ildə Sumqayıt şəhərində bayram tədbirləri təşkil olunub. Tədbirdə Lüdviqshafen şəhəri böyük nümayəndə heyəti ilə təmsil olunub. Bu illər ərzində 60-a yaxın qarşılıqlı səfərlər olub. Bu səfərlərdə iki minə yaxın insan iştirak edib, 23 layihə həyata keçirilib.

 

www.sumqayitxeber.com

Kateqoriyalar:
Etiketlər:
Şərhlər
  • Mikayıl Camallı
    Aprel 22, 2021 - 15:16

    Təbrik edirik! Zakir müəllim ən ali mükafatlara layiqdr!
    Sumqayıtın inkişafı son illər hər kəsin göz qabağındadır.

  • Musa Orucov
    Aprel 22, 2021 - 15:19

    Layiqdir!
    Şəhərimiz bu gün dünyanın ən gözəl şəhərlərindən birinə çevrilib. Allah qorusun merimizi

  • Samirə
    Aprel 22, 2021 - 15:35

    Təbrik edirik Zakir müəllimi. Uğurları bol olsun.
    Şəhərimizi daha da gözəlləşdirsin…

  • Mahir
    Aprel 22, 2021 - 23:11

    Tebrik edirik

  • Malik
    Aprel 23, 2021 - 09:25

    Zakir müəllim şəhərimizi tamamilə dəyişdi. Prezident İlham əliyevin tapşırıq və tövsiyələrinə uyğun olaraq şəhərimizdə xeyli işlər görüldü. Bütün bunları danmaq olmaz. Nəinki indiki nəsil, gələcək nəsillər də bunu bilməlidir.
    Təbrik edirik, bundan sonrakı fəaliyyətində də şəhər rəhbərinə uğurlar arzulayırıq!

  • Rəna
    Aprel 23, 2021 - 12:38

    Zakir Fərəcov çox gözəl icra başçısıdır. Mən hər Sumqayıta səfər edəndə heyran oluram. Hər dəfə bir dəyişikliyin şahidi oluram. Kaş bütün icra başçıları Sizin kimi xidmət edərdi.

  • Süleymanov Niyaz Mustafa oğlu
    Aprel 25, 2021 - 00:04

    Təbrik edirəm, cənab başçı! Siz öz fəaliyyətinizlə daha yüksək təltiflərə layiqsiniz.

  • Fədai
    May 3, 2021 - 10:23

    Zakir müəllimi təbrik edirəm. Sizə uzun ömür can sağlığı arzu edirəm.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər