Zakir Fərəcov Polad Həşimovun anası ilə görüşdü – FOTO

8662

Sumqayıt şəhər İcra Hakimiyyətinin başçısı Zakir Fərəcov şəhid general-mayor Polad Həşimovun anası Səmayə Həşimovanın evində olub. Şəhər rəhbəri ailənin qayğıları ilə maraqlanıb, Polad Həşimov üçün ayrılmış guşəyə baxış keçirib. 

Vurğulanıb ki,  torpaqlarımızın işğaldan azad edilməsi, respublikamızın ərazi bütövlüyünün təmin olunması qəhrəmanlıq simvoluna çevrilmiş general Polad Həşimovun arzusu idi.  Prezidenti, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsi nəticəsində ölkəmizin ərazi bütövlüyü təmin olundu, torpaqlarımız işğaldan azad olundu.  Polad Həşimovun və digər şəhidlərimizin qisası döyüş meydanında alındı.

Qeyd olunub ki, Polad Həşimov Azərbaycan xalqının qəlbində əbədi olaraq yaşayacaq. Sumqayıtda torpaqlarımızın işğaldan azad edilməsi uğrunda gedən döyüşlər zamanı şəhid olmuş şəhər sakinlərinin xatirələrinin əbədiləşdirilməsi istiqamətində genişmiqyaslı tədbirlər həyata keçirilir. Azərbaycanın Milli Qəhrəmanı, general-mayor Polad Həşimovun xatirəsinin əbədiləşdirilməsi üçün Sumqayıtın mərkəzi küçələrindən birinə onun adı verilib. Bildirilib ki, general-mayor Polad Həşimovun hər kəs üçün örnək olacaq həyat yolunun gələcək nəsillərə çatdırılması üçün bundan sonra da addımlar atılacaq.

Qeyd edək ki, Polad Həşimov Qəbələ rayonunun Vəndam kəndində anadan olub. Ailələri ilə birgə Sumqayıt şəhərinə köçdüyündən Sumqayıt şəhər 28 və 34 nömrəli məktəblərdə orta təhsil alıb. Heydər Əliyev adına Azərbaycan Ali Hərbi Məktəbinə bitirən P. Həşimov taqım komandirliyindən “general-mayor” ali hərbi rütbəsinədək yüksəlib.

Qeyd edək ki, Polad Həşimov 14 iyul 2020-ci il tarixdə Ermənistan-Azərbaycan sərhədinin Tovuz rayonu istiqamətində düşmən təxribatlarının qarşısını alarkən qəhrəmancasına şəhid olub. Azərbaycan Respublikası Prezidentinin 9 dekabr 2020-ci il tarixli Sərəncamı ilə ölümündən sonra “Azərbaycanın Milli Qəhrəmanı” fəxri adına layiq görülüb.

www.sumqayitxeber.com

Kateqoriyalar:
Etiketlər:
Şərhlər
  • Rəna Hacıyeva
    İyul 1, 2021 - 10:57

    Allah şəhidimizə rəhmət eləsin!
    Polad Həşimov ölümü ilə bütün Azərbaycanı birləşdirdi!

  • Hümbət Quliyev
    İyul 1, 2021 - 11:01

    Allah igid qəhrəmanımıza rəhmət eləsin!

  • Gülşən Qocayeva
    İyul 1, 2021 - 11:03

    Ruhu şad, məzarı nurlu, nakam şəhidimin!!!Allah davamçılarına sağlam, bərəkətli ömür nəsib etsin!!!Gözəl ANAmıza da səbr diləyirəm, zəhmətkeş əllərindən öpürəm.
    Şəhər rəhbəri də sağ olsun ki, ANAmızı unutmur!

  • Elmira Yaqubova
    İyul 1, 2021 - 11:04

    Allah rəhmət eləsin.
    Nurlar içində yatsın .
    Allah şəhidlərimizi və ailələrini uca tutanlara möhkəm can sağlığı versin.Amin🤲

  • Fazil Abasquluzade
    İyul 1, 2021 - 11:05

    Seher rehberliyinin Sehidimize verdiyi deyeri alqislayiriq! Sehidlerimizin defn merasimlerinde seher rehberliyinin yuksek seviyyede istirakinin teskil edilmesi, qebirustu abidelerin qisa zamanda keyfiyyetle goturulmesi ureyimizcedir. Sehidlerimizin ruhu qarsisinda her zaman borcluyuq! Mekanlari cennet olsun!

  • Ramazan Veliyev
    İyul 1, 2021 - 11:12

    Çox qürur duydum.Allah Şəhidlərimizə Rəhmət eləsin.Mən Zakir Müəllimin Şəhidlərimizin dəfinlərində nümunəvi,vətənpərvər hətda gözləri yaşarmış halda Şəhid Valideyinlərinin,millətimizin,dövlətimizin yanında ,dəstəyində olduğunu müşahidə etdim və edirəm.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər