Bakı sakini Sumqayıtda özünü öldürüb. Bu barədə APA-ya Sumqayıt şəhər Polis İdarəsindən bildirilib. Hadisə şəhərin 6-cı mikrorayon, Zülfü Hacıyev küçəsi, 16 ünvanında qeydə alınıb. Bakı şəhər sakini, 1960-cı il təvəllüdlü Aydəmirov Nizami Əmirşah oğlu həmin ərazidə yerləşən yarımçıq tikilidə özünü asıb. Onun özünə qəsd etməsinin səbəbləri barədə hələlik heç bir məlumat yoxdur.
Faktla bağlı Sumqayıt şəhər Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırmalar davam etdirilir.