Çinin daha bir şəhəri Sumqayıta tibbi yardım göndərdi

1790

Çin Xalq Respublikasının Şansi vilayətinin inzibati mərkəzi olan Sian şəhərindən Sumqayıt şəhərinə tibbi humanitar yardım göndərilib.

Sumqayıt şəhəri ilə dostluq və əməkdaşlıq əlaqələri olan Sian şəhərindən göndərilən tibbi ləvazimatlar bu gün Azərbaycan Hava Yollarının Karqo Terminalında qəbul olunub və dezinfeksiya olunduqdan sonra Sumqayıt şəhərinə gətirilib.

Sumqayıt şəhər 1 nömrəli şəhər xəstəxanasında tibbi ləvazimatlardan ibarət humanitar yardım qəbul olunub. Tibbi ləvazimatlar şəhərdə koronavirusla mübarizədə istifadə olunacaq.

Sian şəhərindən öncə Çin Xalq Respublikasının Mienyen və Çucou şəhərləri də Sumqayıt şəhərinə tibbi ləvazimatlardan ibarət humanitar yardım göndərmişdi.

Qeyd edək ki, Sumqayıtla dostluq və əməkdaşlıq əlaqələri olan Çinin Mienyen və Sian şəhərlərindən Sumqayıt şəhər İcra Hakimiyyətinə müvafiq köməkliyin göstərilməsi ilə bağlı daxil olmuş müraciətlər əsasında bu şəhərlərə tibbi ləvazimatlardan ibarət humanitar yardım göndərilmişdi.

 

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər