Covid keçirən xəstələrin yaddaşı niyə bərpa olunmur? – Həkim SƏBƏBLƏRİ AÇIQLADI

206

Qısa bir zaman ərzində sağlamlığımıza qənim kəsilən Covid-19-un yaratdığı fəsadlar hələ də bitməyib.

Xüsusilə karonaya yoluxmuş insanlarda yaddaşsızlıq problemini necə aradan qaldırmaq barədə hələ də cavabını tapmayan suallar yaranıb.

Həkim-teropeft Rasif Bağırov Bizim.Media-ya açıqlamasında Covid pandemiyası zamanı virusa yoluxduqdan sonra sağlamlığını bərpa edən insanların yaddaşsızlıq probleminin Covid-19 virusu ilə bağlı olmadığlnı bildirib.
Rasif Bağırov bu probleminin bütün dövrlərdə məhz nevrotik hal ilə əlaqədar olduğunu söyləyərək problemin yaranma səbəbini bu cür şərh edib:

“Nevrotik hal yarandığı zaman ilk növbədə yaddaş itir. Daha sonra isə digər fəsadlar özünü biruzə verməyə başlayır. Yaddaşsızlığın Covid-19-la yeganə əlaqəsi  insanlarda qorxu hissinin yaranması ilə bağlıdır. Pandemiya zamanı kütləvi halda insanların ölüm xəbərlərinin yayılması xəstəliyə yoluxmuş insanlarda qorxunun beyin üçün ən zərərli forması olan ölüm qorxusunu yaratdı. Bunun nəticəsində isə insan beyninin nevroza həssas hissələri qabarmağa başladı”.

Ekspert iddia edir ki, yaddaş pozğunluqu olan insanların hər hansı birini müayinə etsək onların bu və ya digər dövrlərdə ciddi nevroloji bir problem yaşadığını, yaxud da həyatının hansısa bir nöqtəsində sinir sistemini zədələyəcək psixoloji bir məqamla üzləşdiyini asanlıqla görə bilərik.
Covid pandemiyasından sağaldıqdan sonra yaddaş pozğunluğu yaşayan insanların müalicəsinə gəlincə isə ekspert bunun anacaq sinir sistemini müayinə etdirmək və həkim nəzarəti altında nevrozdan müalicə almaqla mümkün olduğunu vurğulayıb:

“Məlumdur ki, karona keçirdikdən sonra sağalan  insanlar yaddaşlarını gücləndirmək üçün öncə yaddaş gücləndirici dərmanlar qəbul etməyə başlayacaqlar, lakin bu onlara heç bir effekt verməyəcək.Bunun üçün yalnız nervpotoloqa müraciət etmək və təyinat əsasında mərhələli müalicə götürmək lazımdır”, – deyə ekspert fikirlərini yekunlaşdırıb.

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər