Bu gün deputat Müşfiq Məmmədli Sumqayıt Dövlət Dram teatrının bir qrup kollektivi ilə görüşüb.
Görüş zamanı millət vəkili Azərbaycanda Milli teatrın 148, həmçinin Sumqayıt teatrının yaranmasının 52 illiyi münasibəti ilə kollektivi təbrik edib.
Prezident İlham Əliyevin müdrik rəhbərliyi ilə gündən-günə yeniləşən, müasirləşən və qüdrətlənən Azərbaycanda teatra olan diqqət və qayğı, eyni zamanda Sumqayıt teatrında son dövrlərdə görülən işlər, maddi-texniki bazanın müasir dünya standartlarına uyğun qurulması, yeni yaradıcılıq fəaliyyəti haqda maraqlı fikir mübadiləsi aparılıb.
Görüşdə Sumqayıt Dövlət Dram Teatrının direktoru Azərbaycan Respublikasının Əməkdar Artisti Mübariz Həmidov, baş rejissor Xalq Artisti Firudin Məhərrəmov, rejissor Əməkdar Artist Namis Şirməmmədov, Əməkdar Artist İlahə Səfərova iştirak edib.
