Fevralın 15-də futbol meydançasının yarısı böyüklükdə bir asteroid Yer kürəsinə çox yaxından keçəcək.
ABŞ-ın kosmik agentliyi NASA sürəti saniyədə 13 kilometr olan asteroidin Yerin səthindən 27.700 kilometr kənar keçəcəyini deyir.
Alimlər asteroidin Yerə yaxınlaşmasına baxmayaraq, onun hər hansı təsirinin hiss edilməyəcəyini deyirlər. Onun Bakı vaxtilə saat 23:24-də Hind Okeanı istiqamətində Yerə ən yaxın məsafədə olacağı gözlənir. Şərqi Avropa, Avstraliya və Asiyada asteroidi görmək mümkün olacaq.