“AT Kearney” beynəlxalq konsaltinq agentliyinin ekspertləri dünya şəhərlərinin rəqabətqabiliyyətlilik səviyyəsini qiymətləndirərək “Global Cities Report 2019” reytinqini tərtib ediblər.
“APA-Economics”in xarici mətbuata istinadən verdiyi məlumata görə, rəqabətqabiliyyətlilik indeksini hazırlayan zaman mütəxəssislər dünyanın 135 şəhərini 27 parametrə görə qiymətləndiriblər. Sözügedən parametrlər beş əsas göstəriciyə ayrılıb: işgüzar fəaliyyət, insan kapitalı, məlumat mübadiləsi, mədəni təcrübə və siyasi iştirak.
Nəticədə, reytinqin ilk üçlüyündə Nyu-York, London və Paris şəhərləri qərarlaşıb.
Dünyanın ən rəqabətqabiliyyətli TOP-10 şəhəri:
| # | Şəhər |
| 1 | Nyu-York |
| 2 | London |
| 3 | Paris |
| 4 | Tokio |
| 5 | Honkonq |
| 6 | Sinqapur |
| 7 | Los-Anceles |
| 8 | Çikaqo |
| 9 | Pekin |
| 10 | Vaşinqton |