Əməliyyatda vəfat edən həkimlə bağlı ilginc məlumatlar – Yeganə mütəxəssis imiş… – FOTO

721
“Baku Medikal Plaza”da estetik cərrah Siruz Qoçqaninin liposaksiya əməliyyatı icra etdiyi həkim-ginekoloq Sona Vəliyeva Gürgünün vəfat etməsi barədə məlumat vermişdik.

Milli.Az xəbər verir ki, medicina.az vəfat etmiş həkimin ailə üzvlərindən, yaxınlarından hadisənin təfərrüatlarını öyrənib.

Sona Vəliyevanın həm ailəvi dostu, qohumu, həm də həmkarı olan Rəşid İbrahimov bildirib ki, liposaksiya əməliyyatı zamanı xəstədə piy emboliyası baş verib. Ölümün səbəbi də bu olub.
Onun sözlərinə görə, cərrah Siruz Qoçqanını əməliyyatın tam risksiz olacağı barədə məlumat verib və bununla Sona Vəliyevanı aldadıb:

“Bizim əsas narazılığımız odur ki, bu Siruz Qoçqanını elə reklam, elə təbliğ edirlər ki, insanlar elə inanır, gözüyumlu ölümə gedir.

Sona xanım həkim idi, mən də həkiməm, o cərrahın “Whatsap” yazışmalarını oxuduqca şoka düşdüm ki, yəni mənim tibbdə oxuduqlarım, bu vaxta qədər bildiklərim səhv imiş?
 
Siruz yazıb ki, bizə təzə aparat gəlib, onunla heç bir emboliya baş vermir.
 Liposaksiya piy emboliyası baxımından ən riskli əməliyyatdır. Bir var əməliyyata həyati göstəriş ola, bir də var, sağlam adamı gülə-gülə ölümə aparmaq.

Bu əməliyyatın sonunda emboliyanın olması pasiyentə deyilməlidir. Amma xəstələrə yanlış informasiya verirlər”.
Rəşid İbrahimov bildirib ki, baş verən hadisə hamını şoka salıb: “Biz belə bir əməliyyatla bu cür gözəl insanı, həkimi itirməyimizin şokunu yaşayırıq. Xanımın həyat yoldaşı da ürək tutmasından xəstəxanadadır”.

O, cərrahdan şikayət edilib-edilməyəcəyi ilə bağlı suala belə cavab verib:  “Ailə hələ ki, klinika və həkimin məsuliyyətə cəlb  olunması, hər hansı şikayət barədə düşünmək vəziyyətində deyil”.

Milli.Az medicina.az-a istinadən xəbər verir ki, vəfat edən həkim öz sahəsi üzrə Azərbaycanda yeganə mütəxəssis imiş. Elmi -Tədqiqat Ağciyər İnstitutunda ginekoloji vərəm üzrə mütəxəssis olan 51 yaşlı Sona Vəliyevanın 2 övladı var.
Qızı 9-cu sinif şagirdidir. Oğlu isə Türkiyədə tibb üzrə təhsil alır.

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər