Biz bu gedişlə hara gedirik? İnsanlar aqressivləşib, İnstaqram-a girmək olmur, adam iyrənir. Doğmasına əl atan …ların başlıq yazıları ilə tez-tez rastlaşırıq. Müqəddəs yerini qorumayan kişiciklərin sayı çoxalıb… Çoxları da yerini bilmir, həddini aşır.
Bu sözləri müğənni Səidə Sultan sosial şəbəkədə yazıb. Sənətçi son günlər baş verən sosial problemlərdən, avtobuslarda qadınların dava etməsindən gileylənib:
“Onlara da yerlərini göstərməyib dəstək verənlərin sayı çoxalıb… Avtobuslarda yer üstündə bir-birini didən insanlar, dərman atıb kayfa düşən taksi, avtobus sürücüləri çoxalıb… Boş-boş, mənasız, maraqsız söhbətlər, yazılar çoxalıb… Kişilərin qadınların haqqını əzməyi çoxalıb…
Hamı nəsə sübut edirmiş kimi, xalqa özlərini adam kimi sırıyan şou əhlinin sayı çoxalıb. Allahı unudub caduda təsəlli tapanlar çoxalıb… Mədəniyyətsiz insanlar, özlərindən xəbəri olmayan, ona-buna söz atan, haqqına girən şərəfsizlərin sayı çoxalib. Əri ola-ola min hoqqadan çıxan qadınların sayı çoxalıb”. axşam.az