Bəzən soruşurlar ki, İlham, sən görmədən necə güləşirsən? Mən də cavab verirəm ki, sizin gördüyünüzü mən hiss edirəm. Amma mən hiss etdiyimi siz görmürsünüz.
Komada olanda həkimlər onun ayılmayacağını və dünyasını dəyişəcəyini deyir. Lakin möcüzə nəticəsində sağ qalan İlham Zəkiyev ömürlük görmə qabiliyyətindən məhrum olur.
Həkimlər ona gözlərinin bir daha açılmayacağını desə də, o möcüzə baş verəcəyinə və üzlərini heç vaxt görmədiyi övladlarını görə biləcəyinə ümid edir.
Primetime.az 19 yaşında düşmənin snayperinə tuş gələrək görmə qabiliyyətini itirən, hazırda isə Azərbaycanın və dünyanın ən güclü idmançılarından biri olan, Qarabağ müharibəsi veteranı İlham Zəkiyevin uğur hekayəsini təqdim edir.