Səhər yeməyi “həyatınızı xilas edə bilər”

275

Səhər yeməyi çox vaxt qida qəbulu baxımından günün ən vacib yeməyi sayılır. Bir araşdırma göstərib ki, səhər yeməyi insanın hətta həyatını xilas edə bilər.

Amerika Kardiologiya Kollecinin (American College of Cardiology) bu həftə açıqladığı araşdırmasında səhər yeməyi yeməməyin ürək-damar xəstəlikləri səbəbilə ölüm riskini artırdığı bildirilib.

Lakin araşdırmaya qarşı çıxanlar da var.

Müxtəlif ABŞ universitetlərindən tədqiqatçıların qatıldığı təcrübələrdə 1974-1988-ci illər arasında 40-75 yaş arası 6550 nəfər üzərində araşdırma aparılıb.

boş boşqab

Araşdırmaya qatılanlardan səhər yeməyini mütəmadi olaraq yeyib-yemədikləri soruşulub.

Onlardan 5 faizi heç səhər yeməyi yemədiklərini, 11 faizi bəzən yediklərini, 25 faizi isə səhər yeməyini gec yediklərini deyib.

Tədqiqatçılar bundan sonra 2011-ci ilə qədər ölüm göstəricilərini araşdırıb. Həyatını itirən təcrübə iştirakçılarının 2318-də səhər yeməyi vərdişləri ilə ölüm nisbəti arasında əlaqə müəyyən edilib.

Yumurta

Siqaret və artıq çəki kimi risklər nəzərə alınsa belə, səhər yeməyi yeməyənlərin hər hansı səbəbdən ölüm riskinin 19 faiz, ürək-damar xəstəliklərindən ölmək riskinin isə 87 faiz artdığı müəyyən edilib.

Səhər yeməyi yeməməyin insan sağlamlığına mənfi təsir etdiyi bilinsə də, alimlər bu təsirin detallarını hələ də araşdırır.

ABŞ alimlərinin bu araşdırmasına tənqidlər yönəlib.

İlgiltərənin Milli Səhiyyə Xidməti (NHS) nəticəni qiymətləndirərkən bildirib ki, araşdırmada səhər yeməyi yeməmək və ürək xəstəlikləri səbəbindən ölüm riski arasında birbaşa əlaqə sübut edilməyib.

Araşdırmada səhər yeməyi yeməyənlərin əvvəllər siqaret çəkdiyi, alkoqol qəbul etdiyi, fiziki aktivliyinin olmaması, düzgün qidalanmaması, sosio-iqtisadi vəziyyətlərinin daha aşağı olduğunu vurğulayaraq bu cür faktorların ürək xəstəliyi riskini artırdığını bildirib.

www.sumqayitxeber.com

Kateqoriyalar:
Etiketlər:
Şərhlər
Bənzər Xəbərlər