Skripalı zəhərləyən Ruslan Bəşirov kimdir? – Sensasiyalı faktlar

291

ngiltərənin rusiyalı keçmiş agent Sergey Skripalı zəhərləməkdə ittiham etdiyi Rusiya hərbi kəşfiyyatının polkovniki Anatoli Çepiqa (Ruslan Bəşirov) ilə bağlı yeni fakt üzə çıxıb.

Teleqraf.com xəbər verir ki, Ruslan Bəşirov Ukraynanın devrilmiş prezidenti Viktor Yanukoviçi Rusiyaya qaçırmaqda ittiham edilir.

Ukraynanın “Xromadske” telekanalı Ruslanın qaçırılma əməliyyatını icra etdiyini bildirib: “O, xüsusi təyinatlı qüvvələrlə birlikdə Yanukoviçin Mejiqorye rayonundakı malikanəsini mühafizə edirdi. Kiyevdə ara qarışdıqdan sonra Yanukoviçi əvvəlcə Krıma, sonra da Rusiyaya apardılar”.

Telekanal buna görə, Ruslan Bəşirova “Rusiya qəhrəmanı” medalının verildiyini iddia edib. Ruslanla yanaşı, qaçırılma əməliyyatlarında Rusiya Prezidenti Vladmir Putinin keçmiş mühafizəçisi, Tula vilayətinin qubernatoru Aleksey Dyuminin də iştirak etdiyi diqqətə çatdırılıb.

Telekanal yaxın günlərdə Viktor Yanukoviçin Ukraynadan çıxarılması ilə bağlı araşdırmanın təqdim ediləcəyini açıqlayıb.

Bir müddət əvvəl İngiltərənin “Bellingcat” Araşdırmalar Mərkəzi Sergey və Yuliya Skripalların zəhərlənməsində ittiham edilən iki şübhəlidən birinin kimliyinin təsbit edildiyini bildirib.
“Bellingcat” Ruslan Bəşirov ləqəbi ilə tanına şəxsin əsl adının Anatoli Çepiqa olduğunu açıqlamışdı.

www.sumqayitxeber.com

Kateqoriyalar:
Etiketlər:
Şərhlər
Bənzər Xəbərlər