Sumqayıt Dövlət Universitetinin Riyaziyyat fakültəsinin Diferensial tənliklər və optimallaşdırma kafedrasının dosenti Bakir Yusifov vəfat edib.

sumqayitxeber.com xəbər verir ki, 72 yaşında dünyasını dəyişən Yusifov Bakir Məhəmməd oğlu 1949-cu il sentyabrın 16-da Gədəbəy rayonunun Ağamalı kəndində anadan olub. 1966-cı ildə BDU-nun Mexanika Riyaziyyat fakültəsinə daxil olub və 1971-ci ildə təhsilini başa vurub. 1983-cü ildə fizika riyaziyyat elmləri namizədi elmi dərəcəsi, 1993-cü ildə isə dosent elmi adı almışdır.

Dosent Bakir Məhəmməd oğlu Yusifov 80-ə yaxın elmi məqalə, o cümlədən, 1 monoqrafiya, 10-dan artıq dərs və metodiki vəsaitin müəllifidir.

Ailəli idi, iki övladı var.