“Sumqayıt” klubu daha iki futbolçunu heyətinə qatmağa hazırlaşır.
Klubun mətbuat xidmətindən “Report”a verilən məlumata görə, Azərbaycan millisinin sabiq müdafiəçisi Arif Daşdəmirov və rusiyalı cinah hücumçusu Sərdar Sərdarov komandanın məşqlərində iştirak edir.
Hər iki oyunçu ilə 1 illik müqavilə bağlanılacağı gözlənilir.
Qeyd edək ki, 31 yaşlı Daşdəmirov ötən mövsüm “Qarabağ”da çıxış edib. Mahaçqala şəhərindən olan 24 yaşlı Sərdarov isə “Yenisey”dən gəlib.