Sumqayıt Tibb Mərkəzi (STM) işlə təmin olunan şəhid ailələrinin üzvlərinin və qazilərin sayını açıqlayıb.
Məlumata görə, son 4 ay ərzində 24 nəfər şəhid ailələrinin üzvləri, 12 nəfər Qarabağ qazisi və onların ailə üzvləri, eləcə də 8 nəfər Vətən müharibəsi veteranı işlə təmin edilib.
Bu şəxslərdən 9 nəfər STM-in mühafizə bölməsində, 8 nəfər Mərkəzi avtoparkda, 7 nəfər Təcili Tibbi Yardım Stansiyasında, 7 nəfər Uşaq xəstəxanasında, 6 nəfər 3 nömrəli şəhər xəstəxanasında, 7 nəfər isə digər tibb müəssisələrində müvafiq işlə təmin olunublar.