Sumqayıt şəhərində “1 İyun – Uşaqların Beynəlxalq Müdafiəsi Günü” münasibətilə təntənəli tədbir keçirilib.
Sumqayıt Dövlət Dram Teatrında təşkil edilmiş tədbirdə Sumqayıt şəhər İcra Hakimiyyətinin başçısı Zakir Fərəcov, Abşeron-Xızı Regional Təhsil İdarəsinin müdiri İlhamə Abdullayeva, millət vəkili Müşfiq Məmmədli iştirak edib.
Öncə şəhər rəhbəri Sarayın foyesində istedadlı uşaqların əl işlərindən ibarət sərgi ilə tanış olub.
Sumqayıt şəhər İcra Hakimiyyətinin başçısı Zakir Fərəcov və Abşeron-Xızı Regional Təhsil İdarəsinin müdiri İlhamə Abdullayeva çıxış edərək uşaqları “1 İyun – Uşaqların Beynəlxalq Müdafiəsi günü” münasibəti ilə təbrik edib, onlara onlara xoşbəxtlik və səadət, firəvan həyat, uzun ömür, can sağlığı arzulayıb.
Qeyd olunub ki, Sumqayıt şəhərində son illər uşaqların hüquqlarının qorunnması , onların sağlam böyümələri və mükəmməl təhsil almaları üçün hər cür şərait yaradılıb.
Bayram tədbiri uşaq bağçası – körpələr evinin balaca fidanlarının ifasında bir – birindən maraqlı , rəngarəng musiqi nömrələri, vətənpərvərlik mövzusunda hazırlanmış ədəbi kompozisiya və rəqslərlə davam etdirilib.
Sonda İcra Başçısı tərəfindən səmərəli və ictimai fəaliyyətinə görə fərqlənən müəllimlərə fəxri fərman və uşaqlara hədiyyələr verilib.
