Sumqayıt şəhərində 2009-cu ilin dekabr ayında güzəştsiz əhali kateqoriyası üzrə təbii qaz dəyərinin ödənişi 99,6 faiz təşkil edib. Bu barədə Sumqayıt Qaz İstismar İdarəsindən məlumat verilib. Verilən məlumata görə ötən ilin dekabr ayı ərzində Sumqayıt şəhərinin güzəştsiz əhali qrupu tərəfindən 572593,90 manat dəyərində, 5725,9 min m3 həcmində təbii qaz istifadə edilib. Ödənişdə 46740 nəfər abonent iştirak edib.
Qeyd edək ki, hazırda Sumqayıt şəhərinin güzəştsiz əhali kateqoriyası üzrə təbii qazla təmin olunan abonentlərin sayı 64256 nəfərdir. Şəhər üzrə ümumilikdə 60306 ədəd qaz sayğacı quraşdırılıb.

www.sumqayitxeber.com