Sumqayıtda əmək yarmarkasını keçirilib

493

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən işəgötürənlərlə birgə növbəti əmək yarmarkası Sumqayıt şəhərində keçirilib.

Dövlət Məşğulluq Agentliyinin İdarə Heyəti sədrinin müavini Cəmaləddin Quliyev, Milli Məclisin deputatı Müşfiq Məmmədli, Sumqayıt Şəhər İcra Hakimiyyəti başçısının birinci müavini Teymur Səmədov, Agentliyin Abşeron-Xızı Regional məşğulluq filialının müdiri Sənan Məmmədzadə yarmarkanın təşkili və prosesin dinamikası ilə tanış olublar.

Yarmarkada Sumqayıt şəhəri, Abşeron və Xızı rayonları üzrə 43 müəssisə əsasən xidmət, istehsal, tikinti və s. sahələrdə 400-dən çox vakansiya ilə iştirak edib.

Tədbirdə vakansiyalar üzrə müraciət edən işsiz və işaxtaran şəxslərdən CV-lər qəbul edilərək nəzərdən keçirilib. Onların həmin vakansiyalar üzrə məşğulluqlarının təmin edilməsi üçün işlərə başlanıb.

Yarmarkada vətəndaşlara özünüməşğulluq proqramı və peşə hazırlığı kursları barədə də məlumat verilib.

 

Bu aktiv məşğulluq tədbirlərindən yararlanmaq istəyən şəxslərin qeydiyyatı aparılıb.

İşsiz və işaxtaranların münasib işlərlə təminatı məqsədi daşıyan yarmarkada eyni zamanda, iştirakçılara uyğun iş sahələrində təcrübə imkanlarının yaradılması da təmin edilib. 

www.sumqayitxeber.com

Kateqoriyalar:
Etiketlər:
Şərhlər
  • Ülvi
    İyun 15, 2022 - 20:42

    O sakildakiilar kolecin qizdaridi.Yalanan bir adama imkan vermirdilar 1-2nafar oturtmusdular orda guya qeydiyata alirdilar adamlarai o boyda kutalni hamisi bos seydi

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər